Untitled Document
Untitled Document "Kitabxana xalq, millət üçün, cəmiyyət üçün müqəddəs bir yer, mənəviyyat, bilik, zəka mənbəyidir"  Azərbaycan xalqının ümummilli lideri Heydər Əliyev.
Untitled Document
Ana səhifə
 
Untitled Document











Untitled Document

T Ə D B İ R L Ə R
 
 

"LAÇININ işğalı" 

123

Bu gün Azərbaycanımızın əsrarəngiz gözəlliyə malik olan daha bir guşəsinin dağlı bağlı, qaynar həyatlı LAÇININ işğalı günüdür.Acı həsrətli daha bir ili doğma yurdsuz, doğma vətənsiz, Şuşasız, Laçınsız.... gözəl Qarabağsız və nə qədər belə nisgilini çəkdiyimiz yurdsuz, torpaqlarımızsız yola saldıq(((.
Rəbbim bizə təpər, güc versin, kömək olsun,qadir ordumuzun gücü ilə bütün işğal olunmuş torpaqlarımızı geri qaytaraq,İnşallah...

 
 

"18 May - Beynəlxalq Muzeylər Günü" 

123

Hər il mayın 18-ni dünya mədəni ictimaiyyəti Beynəlxalq Muzey Günü kimi qeyd edir. 18 may 1977-ci ildə Beynəlxalq Muzeylər Şurasının 11-ci konfransında Sovet nümayəndə heyətinin təklifi ilə təsis olunmuşdur. 1978-ci ildən etibarən bu bayram hər il 150-dən çox ölkədə qeyd olunur.
Azərbaycanda muzey işinin tarixi çox da qədim deyil. XX əsrin əvvəllərində Bakı ticarət məktəbi nəzdində Sənaye, Xalq məktəblərinin Bakı-Dağıstan müdiriyyəti nəzdində Pedaqoji, Rus texniki cəmiyyəti Bakı şöbəsi nəzdində Texniki muzeylər fəaliyyət göstərmişdir. İlk milli muzeyin yaradılması isə Azərbaycan Xalq Cümhuriyyəti dövrü ilə bağlıdır. 1919-cu il dekabrın 7-də "İstiqlal" muzeyi fəaliyyətə başladı.
Sovet hakimiyyəti illərində Respublikada muzey şəbəkəsi daha da genişlənmişdi: Nizami adına Ədəbiyyat muzeyi, L. Kərimov adına Azərbaycan Xalçası və Xalq Tətbiqi Sənət Dövlət Muzeyi, Azərbaycan Tarixi muzeyi, Xalq Maarifi muzeyi, əksər rayon və şəhərlərdə tarix, diyarşünaslıq muzeyləri, elm və mədəniyyət xadimlərinin ev muzeyləri və s. bu qəbildəndir.
Azərbaycan həm də açıq səma altında yerləşən muzeylər ölkəsidir. Bunu Qobustanda, İstisuda (Kəlbəcər) və Gəmiqayada (Naxçıvan) qayalar üzərindəki təsvirlər sübut edir. Məşhur Norveç alimi və səyyahı Tur Heyerdal Qobustanda olarkən buranı obrazlı şəkildə "səma altında muzey" adlandırmışdır.

 
 

"15 may - Beynəlxalq Ailə Günü" 

123

15 may dünyada Beynəlxalq Ailə Günü kimi qeyd olunur. Bu aksiya planetimizdə yaşayan bütün insanların diqqətini bir daha ailə problemlərinin həllinə yönəltməyə xidmət edir. Müstəqil Azərbaycanda dövlət ailə siyasətinin əsas prinsiplərinin formalaşması ümummilli lider Heydər Əliyevin adı ilə bağlıdır. Ulu öndər milli mənəvi dəyərlərin qorunmasının vacibliyini vurğulayaraq demişdir: “Azərbaycan xalqının milli ənənələrindən biri də ondan ibarətdir ki, uşağa diqqət, qayğı hər bir ailənin, hər bir insanın əsas vəzifəsi, mənəviyyatımızın əsas hissəsi olubdur”.
Bu gün ölkəmizdə ailələrin rifahının daha da yaxşılaşdırılması istiqamətində mühüm tədbirlər həyata keçirilir. Dövlət ailə siyasəti Prezident İlham Əliyevin imzaladığı fərman və sərəncamlarda, bir sıra dövlət proqramlarında özünün uğurlu inkişafını tapmışdır. Ölkəmizin bütün sahələrdə əldə etdiyi uğurlar ailə institutunun inkişafında da öz təsdiqini tapmaqdadır.
Beynəlxalq Ailə Günü BMT-nin Baş Assambleyasının qətnaməsinə müvafiq olaraq 1994-cü ildən qeyd olunur. Azərbaycan 2008-ci ildən bu ənənəyə qoşulub. Respublikamızda Ailə bayramının qeyd olunması dövlət qadın siyasətinin əyani təcəssümüdür.

 
 

"Heydər Əliyevin anadan olmasının - 97 -ci il dönümüdür" 

123

Bu gün Azərbaycanın ümummilli lideri Heydər Əliyevin doğum günüdür.

 
 

"9 May - Faşizm üzərindəQələbə günü" 

123

Azərbaycan xalqı faşizm üzərində tarixi Qələbəyə böyük töhfə verib. Bu qələbədə payı olan 600 mindən çox oğul və qızını cəbhəyə yola salan xalqımızın Böyük Qələbənin əldə olunmasında çox böyük rolu olub. Böyük Vətən Müharibəsində göstərdikləri igidliyə görə Azərbaycanın 120-dən çox vətəndaşı Sovet İttifaqı Qəhrəmanı adına layiq görülüb, 170 mindən çox əsgər və zabitimiz müxtəlif orden və medallarla təltif edilib. Azərbaycanlı çağırışçı və könüllülərdən formalaşdırılmış 77-ci, 223-cü, 336-cı, 402-ci və 416-cı milli atıcı diviziyalar döyüşlərdə misilsiz igidlik və şücaət göstərərək, adlarını tarixin səhifələrinə qızıl hərflərlə yazıblar. Partizan hərəkatında iştirak edən soydaşlarımız da saysız-hesabsız qəhrəmanlıqlar göstəriblər. Faşizmə qarşı mübarizədə azərbaycanlılar döyüş meydanları ilə yanaşı, arxa cəbhədə də qəhrəmanlıq göstəriblər. Şanlı Qələbəyə neft Bakısının töhfəsi də əvəzsiz olub.

 
 

"Şuşanın işğalından 28 il ötür" 

123

Bu gün Azərbaycanın Dağlıq Qarabağ bölgəsində yerləşən Şuşa şəhərinin Ermənistan tərəfindən işğal olunmasından (1992-ci il mayın 8-də) 28 il ötür.
Şuşa Azərbaycanın unikal mədəniyyət mərkəzlərindən biridir. Təbii gözəllikləri ilə seçilən bu şəhər milli memarlığımızın və orta əsrlər şəhərsalma sənətinin qiymətli abidəsidir.
Milli-mənəvi dəyərlərimizi və musiqi ənənələrimizi daim yaşadan Şuşa mühüm iqtisadi, siyasi və mədəni əhəmiyyətə malik şəhər kimi təşəkkül tapanadək zəngin yol keçib, Qarabağ xanlığının mərkəzi olmaqla xalqımızın həyatında özünəməxsus rol oynayıb.
1977-ci ildə ümummilli lider Heydər Əliyevin təşəbbüsü ilə “Şuşa şəhərinin tarixi hissəsini tarix-memarlıq qoruğu elan etmək haqqında” qərar qəbul edilib. Həmin vaxtdan Şuşada quruculuq işləri geniş vüsət alıb, mədəniyyətimizin və incəsənətimizin böyük simalarından Üzeyir bəy Hacıbəylinin, Xurşidbanu Natəvanın və Bülbülün ev muzeyləri yaradılıb, görkəmli şair Molla Pənah Vaqifin məqbərəsi ucaldılıb.
Şuşada dövlət tərəfindən qorunan 248 tarixi abidə, 8 muzey, bir rəsm qalereyası, bir məqbərə, 8 musiqi məktəbi, onlarla mədəniyyət obyekti işğal altında qalıb.

 
 

"Əməkdar Mədəniyyət işçisi Xəzəngül Hüseynova ilə canlı görüş" 

123

Əziz dostlar 2 may 2020-ci il tarixdə saat 15:00-da Azərbaycan Yazıçılar Birliyinin Gəncə bölməsinin sədri Xəzangül Hüseynova ilə Gəncə şəhər Mərkəzi kitabxananın instagram(gencemks) səhifəsində canlı yayım olacaq. Canlı yayıma qoşularaq suallarınızı verə bilər və Xəzangül xanımın şeirlərini dinləyə bilərsiniz.

 
 

"Gəncə regional qadın mərkəzi" 

123

Əziz izləyicilər Gəncə şəhər Mərkəzləşdirilmiş Kitabxana Sistemi “Gəncə regional qadın mərkəzi”-nin sədri Məleykə Əlizadə ilə 30 aprel saat 18:00 sizlərə evdən canlı olaraq görüşə gəlir.

 
 

"Seminar video konfrans" 

123

Gəncə şəhər Mərkəzləşdirilmiş Kitabxana Sistemi karantin dövrünü nəzərə alaraq növbəti seminar məşğələsini video konfrans vasitəsi ilə keçirmişdir

   
 

"23 Aprel Ümumdünya kitab və Müəlliflik Hüququ Günü" 

123

23 Aprel - Ümumdünya Kitab və Müəlliflik Günü" YUNESCO - nun 1995- ci il noyabrın 15 - də parisdə keçirilən 28- ci sessiyasında elan edilmiüdir.Ümumdünya kitab və Müəlliflik Hüququ Gününün elan edilməsi barədə qərarda mədəni ənənələrin inkişafı və dərk edilməsi, həmçinin biliklərinin yayılması və qorunması üçün kitabların maarifləndirilmənin ən böyük vasitə və ən etibarlı üsul olması vurğulanır, müəlliflərin cəmiyyətdəki xüsusi rolu qeyd olunur və bununla müəlliflik hüququ institutunun dəstəklənməsi göstərilir.

 
 

"Görkəmli alim, yazıçı və pedaqoq" 


123

Gəncə şəhər MKS- nin Heydər Əliyev mərkəzində yerləşən 16 saylı kitabxana filialı "Görkəmli alim, yazıçı və pedaqoq" Mir Cəlal Paşayevin həyatı və yaradıcılığı haqqında videocarx kitabxananın facebook səhifəsində sizə təqdim edir.

 
 

"Düşünən və düşündürən aktrisa" 

123

Aprelin 20-də Azərbaycanın xalq artisti Nəsibə Zeynalovanın anadan olmasının 104 illik xatirəsinə həsr olunmuş "Düşünən və düşündürən aktrisa" adlı videçarxı Gəncə şəhər Mərkəzləşdirilmiş Kitabxana sisteminin 1 saylı filialı kitabxananın facebook səhifəsində sizə təqdim edir.

 
 

"18 aprel - Beynəlxalq Abidələr və Tarixi Yerlər Gününə həsr olunmuş videokonfrans keçirilib." 

123

Aprelin 17-də Mədəniyyət naziri Əbülfəs Qarayevin sədrliyi ilə 18 aprel - Beynəlxalq Abidələr və Tarixi Yerlər Gününə həsr olunmuş videokonfrans keçirilib.

Konfransda Mədəniyyət nazirinin birinci müavini Vaqif Əliyev, nazir müavini Rafiq Bayramov, Mədəni İrsin Qorunması, İnkişafı və Bərpası üzrə Dövlət Xidmətinin rəisi Zakir Sultanov, “İçərişəhər” Dövlət Tarix-Memarlıq Qoruğu İdarə Heyətinin sədri Əsgər Ələkbərov, Azərbaycan Memarlar İttifaqı İdarə Heyətinin sədri Elbay Qasımzadə, nazirliyin məsul əməkdaşları iştirak ediblər.

Videokonfransı giriş sözü ilə açan Dövlət Xidmətinin rəisi Zakir Sultanov Beynəlxalq Abidələr və Tarixi Yerlər Günü münasibətilə təbriklərini çatdırıb. Qeyd edib ki, bu əlamətdar gün Tarixi Yerlər və Abidələrin Mühafizəsi Şurasının (İCOMOS) təklifi ilə UNESCO tərəfindən 1983-cü ildə təsis olunub. Məqsəd insanların diqqətini abidələrin və tarixi yerlərin qorunmasına yönəltməkdir.

Bildirilib ki, hər il bu əlamətdar gün münasibətilə qoruqlarda, tarixi məkanlarımızda abidələrin və tarixi yerlərin qorunmasının təbliği ilə bağlı müxtəlif tədbirlər, sərgilər təşkil olunurdu. Bu il isə koronavirus infeksiyasının yayılmasının qarşısının alınması məqsədilə kütləvi tədbirlərin keçirilməsi təxirə salınıb. Məlum şəraitlə bağlı bu il əlamətdar gün daha çox virtual formatda, o cümlədən abidələrə və tarixi yerlərə videoturlarla, virtual sərgi və digər təqdimatlarla qeyd edilir.

Tarixi abidələrə dövlət qayğısından danışan Zakir Sultanov qeyd edib ki, Prezident İlham Əliyevin diqqət və qayğısı sayəsində ölkəmizdə tarixi abidələrin tədqiqi, mühafizəsi və bərpası, mədəniyyət nümunələrinin beynəlxalq aləmdə təbliği istiqamətində böyük işlər görülür. Daşınmaz tarix və mədəniyyət abidələrinin qorunması sahəsində dövlət nəzarətini gücləndirmək, idarəetmənin səmərəliliyini təmin etmək məqsədilə ölkə başçısı “Azərbaycan Respublikasının Mədəniyyət Nazirliyi yanında Mədəni İrsin Qorunması, İnkişafı və Bərpası üzrə Dövlət Xidmətinin fəaliyyətinin təkmilləşdirilməsi haqqında” müvafiq fərman imzalayıb. Fərmana əsasən, Dövlət Xidmətinin beş regional idarəsi yaradılıb.

Xidmətin rəisi arxeoloji irsin qorunması və öyrənilməsi istiqamətində də işlərin davam etdirildiyini deyib. Xüsusi əhəmiyyət kəsb edən tarixi ərazilərin qorunması və bu ərazilərdə xüsusi rejimin yaradılması məqsədilə ötən il ölkə başçısının sərəncamı ilə Şəmkir rayonunun tarixi ərazisi “Qədim Şəmkir şəhəri”, Ağsu rayonunun tarixi ərazisi “Orta əsr Ağsu şəhəri” tarix-mədəniyyət qoruqları elan edilib. Həmin sərəncamla qoruqların fəaliyyətinin təkmilləşdirilməsi məqsədilə “Çıraqqala” və “Şabran şəhəri” tarixi qoruqlarının ərazisi birləşdirilərək “Çıraqqala–Şabran” Dövlət Tarix-Mədəniyyət Qoruğu, Nizami Gəncəvi Məqbərə Kompleksi isə Gəncə Dövlət Tarix-Mədəniyyət Qoruğunun tərkibində fəaliyyətlərini davam etdirəcək.

Zakir Sultanov vurğulayıb ki, Dövlət Xidməti bir sıra tarixi abidələrin bərpa və konservasiyasını həyata keçirib, hazırda bu istiqamətdə layihələr davam etdirilir.

 
 

"Kitabxanaların fəaliyyətinə həsr olunmuş videokonfras keçirilib!" 

123

Ölkəmizdə koronavirus infeksiyası səbəbindən tətbiq edilən sosial izolyasiya tədbirləri və karantin rejimi ilə bağlı Mədəniyyət Nazirliyi öz fəaliyyətini Azərbaycan Respublikası Nazirlər Kabinetinin müvafiq qərarları və Nazirlər Kabineti yanında Operativ Qərargahın müəyyənləşdirdiyi tələb və tövsiyələr əsasında davam etdirir. Mədəniyyət Nazirliyi Aparatında, nazirliyin tabe təşkilatları və idarələrində, aparıcı mədəniyyət müəssisələrində fəaliyyət videokonfans rejimində tənzimlənir.

Aprelin 13-də Mədəniyyət naziri Əbülfəs Qarayev Respublikanın aparıcı kitabxanaları və bir sıra şəhər və rayonlardakı kitabxanaların fəaliyyəti ilə bağlı videokonfrans keçirib.

Konfransda kitabxana fondlarının rəqəmsallaşdırılması, elektron xidmətlərin göstərilməsi, onlayn oxucu sifarişlərinin təmin edilməsi və kitabxana-biblioqrafiya proseslərinin avtomatlaşdırılması kimi məsələlər müzakirə olunub.

Mədəniyyət nazirinin birinci müavini Vaqif Əliyev, nazirliyin məsul əməkdaşları, Bakı Şəhər Mədəniyyət Baş İdarəsinin rəisi Cəlil Məlikov, Azərbaycan Milli Kitabxanasının direktoru Kərim Tahirov, Respublika Gənclər Kitabxanasının direktoru Oruc Quliyev, Respublika Uşaq Kitabxanasının direktoru Şəhla Qəmbərova, şəhər (rayon) MKS-lərin direktorları videokonfransda iştirak ediblər.

http://www.mct.gov.az/az/umumi-xeberler/12564

 
 

"Dəyərli oxucularımız" 

Evdə qalaraq mütaliəni davam etmə imkanı əldə edirsiniz vaxtınızı səmərəli keçirməyin yollarından biri də maraqlı kitablar oxumaqdır. Bunun üçün hər gün mütəmadi olaraq facebbok və instagram səhifəmizdə müxtəlif kitablar haqqında məlumat veriləcəkdir.Həmin kitabları www.azlibnet.az və digər saytlar vasitəsi ilə oxuya telefon və komputerinizə yükləyə bilərsiniz.Həmçinin səhifəmizdə maraqlı Gəncə və gəncəlilər haqqında qısa məlumatlar paylaşılacaq.

��Nizami 81 , Gəncə şəhər Mərkəzi Kitabxana ,
��gencemks@mail.ru

 

 
   
 

"N.Nərimanovun 150 illik yübileyi" 

123

#Evdə qal, işdən qalma# Azərbaycanın görkəmli yazıçısı və dövlət xadimi Nəriman Nəcəf oğlu Nərimanovun 150 illik yübileyinə həsr olunmuş virtual sərgiyə oxucuları dəvət edirik.
#Mks #16 nömrəli kitabxana #Heydər Əliyev Mərkəzi.

 
   
 

"Tariximizi unutmayaq!" 

123

Gəncə Regional Mdəniyyət İdarəsinin "Evdə qal, kitab oxu" layihəsinə qoşulan, MKS-nin 12 nömrəli kitabxana filialının oxucusu Orxan Hüseynov, öz həmyaşıdlarına 31 Mart Azərbaycanlıların Soyqırımı günüdür, gəlin evdə qalıb kitab oxuyaq, tariximizi yada salaq tovsiyyə etdi.

 
 

"Evdə qal, kitab oxu!" 

123

Gəncə Regional Mdəniyyət İdarəsinin "Evdə qal, kitab oxu" layihəsinə qoşulan, MKS-nin 16 nömrəli kitabxana filialının oxucusu Nəcmi Azəri, öz həmyaşıdlarına evdə qalıb kitab oxumalarını tovsiyyə edir. Nəcmi hal hazırda azərbaycan tarixi çox sevdiyi üçün Fərman Kərimzadənin "Xüdafərin körpüsü" romanını oxuyur.

 
 

"Unutmaq Olmaz" 

123

Kəlbəcər Azərbaycanın ən yüksək dağ rayonudur. Ən hündür zirvə Camış dağındadır (3724m) Ərazinin çox hissəsi meşəlikdir. Rayonda 132 yaşayış məntəəsivardı. Rayonun ərazisi 1993-cu ildə erməni silahlı dəstələri tərəfindən işğal edilmişdir.

 
 
 

"Aprel döyüşləri tariximizin şanlı səhifəsidir!" 

123

UNUTMAYAQ,, Biz Onlara Canımızı, Qanımızı - .... Həyatımızı Borcluyuq!

 

 
 

"Məsafədən mütaliə" 

123

Əziz dostlar Gəncə regional Mədəniyyət İdarəsi Gəncə şəhər Mərkəzi Kitabxanası # evdəqal# mütaliədən qalma başlığı altında keçirilən layihəyə yeni bi ideyaya start vermişdir. Teleqramda "Məsafədədən mütaliə" başlığı altında qrup yaradılmışdır. qrupa hər həftə bir kitab və yaxud bir Azərbaycan filmi yüklənərək müzakirə olunacaq. müzakirəyə hər kəs qatıla bilər.

 
 

"Gəncə Regional Mədəniyyət İdarəsinin tabeliyində olan Gəncə şəhər Mərkəzi Kitabxanada və filiallarında deinfeksiya işləri aparılır" 

123

Gəncə Regional Mədəniyyət İdarəsinin tabeliyində olan Gəncə şəhər Mərkəzi Kitabxanada və filiallarında Koronovirus (COVİD-19) infeksiyasının yayılma təhlükəsinin qarşısının alınması məqsədi ilə tibbi-profilaktik və dezinfeksiyaedici tədbirlər həyata keçirilir.
Mədəniyyət müəssisələrində Sanitar Epidemioloji Stansiyası, eləcə də texniki işçilər tərəfındən bütün avadanlıqlar, dəhlizlər, otaqlar xlor, spirtlə və s. dezinfeksiya edilir.  
Dezinfeksiya işləri davam etdirilir.

 
 

Evdə qal, mütaliədən qalma!

123

Əziz dostlar!
#evdəqal #mütaliədən qalma!!!
Dəyərli oxucularımız, evdə qalaraq mütaliəni davam etmə imkanı əldə edirsiniz, vaxtınızın səmərəli keçirməyin yollarından biri də maraqlı kitablar oxumaqdır. Bunun üçün hər gün mütəmadi olaraq facebook və instagram səhifəmizdə müxtəlif kitablar haqqında məlumat verəcəyik. Həmin kitabları www.azlibnet.az və digər saytlar vasitəsi ilə oxuya, telefon və kompüterinizə yükləyə bilərsiniz. Həmçinin səhifəmizdə maraqlı olan Gəncə və gəncəlilər haqqında qısa məlumatlar paylaşacaq.
 
 

Hörmətli oxucular,

Koronavirus təhlükəsi ilə əlaqədar Respublikada həyata keçirilən tədbirlər çərçivəsində 2020- ci il martın 11 - dən Gəncə şəhər Mərkəzləşmiş Kitabxanasında və filiallarında oxuculara xidmət müvəqqəti dəyandırılmışdır. Lakin buna baxmayaraq Siz Gəncə şəhər Mərkəzi kitabxananın onlayn xidmətlərindən istifadə edə bilərsiz.
 
 

"İlaxır çərşənbə" 

123

Novruz bayramının ən təntənəli mərasimləri çərşənbələr hesab olunur və məhz buna görə də əhali həmin günləri xüsusi təntənə ilə qeyd edirlər. Lakin bu çərşənbələrin içərisində daha böyük mərasimlər hazırlanan çərşənbə sonuncu hesab olunan Torpaq çərşənbəsidir. Bu çərşənbə öz xüsusiyyətlərinə və bayrama yaxın olduğuna görə daha çox insanlar tərəfindən sevilir və seçilir. Ununla yanaşı torpağın insana və bəşəriyyətə verdiyi bu nemətlər heç vaxt unudulmur. Ona görə də həmin günə Azərbaycan xalqı daha təmtaraqlı şəkildə hazılaşırlar. Torpaq çərşənbəsində süfrəmizin gözəl təamlarından olan paxlava, şəkərbura, qoğal və bir çox şirniyyatlar hazırlanır. Qoğal günəşin və istiliyin simvolu kimi stola gətirilir. Şəkərbura da kənarındakı və üzərindəki mənalara görə günəş şüalarını xatrıladır, paxlava isə mərkəzinə qoyulmuş funduqla mifik mənanı özündə əks etdirir. Şirniyyatların süfrəyə qoyulması bütün ilin bərəkətli, ruzili və həmişə şirin keçməsini mənalandırır. Bununla yanaşı qoz, funduq, badam və bir çox çərəz növləri də süfrəni bəzəyir. Qadınlar, qızlar isə evlərinə xonça tuturlar və müxtəlif konfetlərlər onu bəzəyirlər. Süfrə qoyulmuş səməni isə öz yaşıl görkəmi və belinə bağlanmış qırmızı lentlə daha çox diqqət vəlb edir. Həmin gün hamı deyib, gülür və insanlar evlərində xoş sözlər danışırlar.
Torpaq çərşənbəsi olduğu üçün artıq xalq əkin – biçinə başlamalı olur. Digər çərşənbələr sayılan Su, Od, Yel öz işlərini bitirmiş sayılırlar və Torpağa yer verirlər. Torpaq isə deyir səndən hərəkət məndən bərəkət. Yerlər şumlanır, toxumlar səpilir və artıq yazın gəlməsi ilə işgüzarlıq da özünü göstərir.

 

 
 

"8 Mart Beynəlxalq Qadınlar Bayramı gününüz Mübarək!" 

123

Bu gün dunyanın qadinları qarşısında bas əydiyi gündür. Hər kəs varlığı üçün size borcludur. 8 Mart bayraminiz mubarek!

 

 
 
 

"Od çərsənbəsi" 

123

Od çərşənbəsi və hər birinin olduğu kimi, bu çərşənbənin də özünəməxsus qaydaları var. En əsası diger Novruz çərşənbələrində olduğu kimi, Od çərşənbəsində də tonqal yandırmaq mütləqdir. İlaxır çərşənbələrin ikincisi Od çərşənbəsidir. Buna xalq arasında "İkinci çərşənbə" və ya "Üsgü çərşənbə" də deyilir. Od çərşənbəsi qədimdə xalqımızın günəşə, odu qoruyub-saxlamağın vacibliyinə inamı ilə bağlıdır. Od çərşənbəsində odu teəizlik, sağlamlıq və gözəllik rəmzi kimi qeyd edərdilər. Odla bağlı da bir çox xalq deyimləri - inanclar, atalar sözləri, andlar, alqışlar, tapmacalar bu günə qədər yaşamaqdadır. Məsələn, inanca görə, Od çərşənbəsində ocaqdan od vərməzlər. 

 
 

"Su Çərşənbəniz mübarək!" 

123

Su çərşənbəsi axşamı süfrəyə mütləq bir qabda su qoyulmalıdır. Şirniyyat, quru meyvələr düzülməlidir. Həmin axşam adətən, mərci plov bişirilməlidir. Çünki Su çərşənbəsində süfrənin bəzəyi lobyalı xörəklər sayılır. Bu gün insanlar bir-biri ilə mehriban davranmalı, arzulamalıdırlar ki, növbəti çərşənbələri də şad, xürrəm keçirsinlər. Su çərşənbəsinə qoşulan nəğmələrin birində belə bir ifadə var: "Allah, məni su elə, su gözəllər yüküdür". Həqiqətən də, çox gözəl deyimdir, həm də məntiqli düşünülübdür. Gözəllərin yükü sudan ibarətdir. Bəlkə də bulaqların aynasında güzgülənən sevdası daha təmiz və dərin olur. Bu səbəbdən də igidlər əlini qulağının dibinə verərək haraylayıblar: "Sudan gələn sürməli qız...", yaxud da "Küçlərə su səpmişəm, yar gələndə toz olmasın". Su ilə qarşılayıb su ilə yola salmaq bir ənənədir.

Etiqada görə, Novruza qədər olan İlaxır çərşənbələrinin hər birinin özünəməxsus ayin və mərasimləri var. Ona görə də həmişə bu çərşənbələri bayram kimi keçirər, xüsusi süfrə açar, şadyanalıq edərlər. Təbiətin dörd mühüm ünsürü ilə bağlı olan bu İlaxır çərşənbələrinin sırası belədir: Su, Od, Külək (Hava, Yel), Torpaq.

 
 

"26 fevral Xocali soyqrimi " u7y

Gəncə şəhər Mərkəzi kitabxananın Səyyar şöbəsi Gəncə şəhər Kəpəz hazırlıq kursunda 26 fevral Xocalı soyqrımı münasibəti ilə anım günü keçirib. Tədbirdə soyqırıma həsr edilmiş video çarxlar nümayiş etdirildi, və geniş kitab sərgisi təşkil olunmuşdu. Tədbirdə Səyyar şöbənin əməkdaşları və kursun şagird və müəllim kollektivi iştirak edirdilər.

 
 

"Tarixin faciəsi" u7y

Fevralın 24-də Gəncə şəhər MKS-nin 2, 6, 7, 9, 17, 19 №li kitabxana filiallarında Xocalı soyqırımının 28-ci ildönümünə həsr olunmuş “Tarixin faciəsi” adlı ədəbi-bədii kompozisiya keçirildi. Əvvəlcə bir dəqiqəlik sükutla şəhidlərimizin ruhu yad edildi,

Tədbirdə çıxış edənlər erməni vəhşiliyindən, Xocalı soyqırımını həyata keçirənlərin gec-tez ədalət məhkəməsi qarşısında cavab verərək layiqli cəzalarını alacaqlarından, şəhid şəhər Xocalının yağı düşməndən azad ediləcyindən, ölkəmizin ərazi bütövlüyünün bərpa olunacağından danışdılar. Bu soyqırımın təkcə Azərbaycanlılara qarşı deyil, bütövlükdə insanlığa,bəşəriyyətə,beynəlxalq sülhə qarşı törədilmiş ən ağır cinayət olduğu iştirakşıların nəzərinə çatdırıldı.

Xocalı faciəsindən bəhs edən videoçarx nümayiş olundu. Məktəblilər Xocalıya aid şeirlər səsləndirdilər və mahnılar ifa etdilər, “Haray çəkən Xocalım” adlı ədəbi-bədii kompozisiya ilə çıxış etdilər.Tədbir “Xocalıya ədalət” adlı sərgisinə baxışla sona çatdı.

   
 

"Xocalı faciəsinin izləri ədəbiyytımıda" u7y

Bu gün Gəncə şəhər MKS – nin 7 №li kitabxana filialında Xocalı soyqırımının 28 – ci ildönümü ilə əlaqədar “Xocalı faciəsinin izləri ədəbiyyatımızda” adlı sərgi təşkil olundu.

Kitabxananın əməkdaşı Könül Mirxudayeva qeyd etmişdir ki, Azərbaycan tarixinin qanlı səhifəsi olan Xocalı soyqırımından 28 il ötməsinə baxmayaraq, hər birimiz bu faciənin ağrısını yaşayırıq, Xocalı və onun qurbanları haqqında yüzlərlə kitablar nəşr edilib, yerli və xarici mətbuat səhifələrində yazılar dərc olunub. Gənc nəsil bu faciənin ağrı – acılarını tarixi faktlarla yanaşı, belə kitablardan da oxuyub öyrənməlidirlər. Könül Mirxudayeva sərgidə nümayiş olunan Xocalı faciəsi haqqında yazılmış ədəbiyyatlarala oxucuları tanış etdi.

Tədbir iştirakçıları Xocalı faciəsini özündə əks etdirən 50-dən artıq Azərbaycan və digər dillərdə nəşr olunmuş kitabları, dövri mətbuat materiallarını, fotoşəkilləri əhatə edən sərgi ilə tanış oldular.

Könül Mirxudayeva qeyd etmişdir ki, Azərbaycanda heç kim dəhşətli qan yaddaşımızı unutmayıb: “Gələcək nəsillərin bunu unutması mümkün deyil. Bizim məqsədimiz yetişən gənc nəsilə bunu aşılamaq, tariximizi təbliğ etmək, gənclərdə vətənpərvərlik hisslərini oyatmaqdır”.

 
 
   
   
  Arxiv...1. .2. .3. .4. .5. .6. .7. Əvvələ
Untitled Document




Virtual sifariş
Sifarişlərin sayi: 2326



Baxılıb:
??????? ?????????

free counters
     
Untitled Document
  Untitled Document

2007 Gəncə şəhər Mərkəzi Kitabxanası
Tərtibatçı: Ramil Ismayılov Dizayn: Sevda Baxşıyeva